قصيدة " من يخون الياسمين ؟ "
فتشيني
فتّشي في داخل أيامي ..
وأحلامي ..
وأنفاس الطريق اللي خطيته
من قبل ما لطِّخ الأوراق
بآثام أقلامي
فتشي جيوب الحديث اللي سبق قلته
واللي بعد ..
ما أسعفتني لعثمة حزني
ولا قلته ..
واللي بيجي من ثرثرة
في قادم الأمطار من مزني
فتشيني ..
وفتشي صدري
والشرايين البليدة داخلي
فتشي النبضات في قلبي
يلي تجي في معظم أوقاتي برود
وفي باقي أوقاتي ثلج
فتشيها وفتشي صمتي الدفين
فتشي نظرات عيني
في خطاوي العابرين
فتشي أبيات القصايد
واقرئيها
من يمين الشطر
لين أقصى يساره
ثم عودي واقرئيها
من يسار الشطر لين أقصى اليمين
فتشيني من اخمص أشعاري
إلى اسمى الأغنيات
فتشي فيني على مهلك
واستعيني بعمق تفكيرك
على جهلك
واثق انك ما تلاقي
في حياتي غيرك انتي
أي معنى للحياة
لا تنظريلي شك وعيونك يقين
وان نظرتي لا تشيحي بنظرتك
راجعي فيها كذا كل السنين
من نشوء العشق حتى لحظتك
فتّشي فيني على سر ٍ دفين
وان لقيتي حطّي فيني حرّتك
واجعليني في عداد القانطين
ولا ترديني ابد في رحمتك
خبريني من يخون الياسمين ؟
هو يلاقي لو بغى في رقتك ؟
يانتي اجمل من نساء العالمين
في بهاك ِ وانتماك ِ وطلتك
لو بخونك فهميني ويّا مين ؟
رشّحي لي من تجاري فتنتك
وانتِ بس ال/ما ضريتي تقلدين
والبنات تقلدك ما وصلتك
انتِ حتى لا نطقتي الراء غين
البنات يقلدوك ِ بلثغتك
اجزم انك لو نويتي ترسبين
باختبارك قلدوكِ بخيبتك
كيف اخونك وآنا يلي لك أدين
وأكبر طموحي لقيته بهيئتك
انظري لي طالبك هالحاجتين
أولاً ما بي تحدّك رأفتك
وكان شكك في خياناتي يقين
اطبعي
الرئيسية
