موضوع شامل للي يزور امريكا لاول مره

جبتلكم اليوم موضوع مفيد لما يحتويه من معلومات وانشاء يفيد.....
هناك اشياء في امريكا كبلد لازم نعرفها وهيه.....

الضرايب Tax

- ضرايب المبيعات تحتلف من ولايه الى ثانيه و اعلى نسبه في كاليفورينا 7.25 و الحلو ان بعض الولايات ما فيها اي ضرايب للمبيعات واهمها اوريجون والاسكا
State Sales Tax Rates
- الاسعار الموجوده على رفوف السوبرماركت او على البضايع او حتى على المنيو مالمطاعم غير شامله الضرايب. انا شخصيا صديقي اول ما راح لامريكا راح سوبر ماركت و اشترى عصير ولمن اجى يحاسب قالي دفعت سعر غير المكتوب وقال دفعت له بدون ما اناقشه. لان في بريطانيا كان متعود السعر يكون شامل الضرايب.
في نيويورك الملابس الي اقل من 120 دولار وفي ناس قالوا 100 ما يكون عليها ضرايب.

2
التدخين

- هذا من احلى الانظمة الي عندهم ان تقريبا التدخين ممنوع في اي مكان مغلق مثل الاسواق و المحلات و داخل المباني . ولكن طبعا هذا الشي ما يطبق في كل مكان في الكازينوات و بعض الفنادق في لاس فيجاس او اتلانتك سيتي مسوح الدخان فيها في مناطق محدده لان هذا الشي راجع لقانون الولايه.
الشي الغريب ان المعسل مسموح فيه داخل المحلات والمقاهي العربية.

3
الادويه

- خلال السفرلامريكا ومعك ادويه احرص ان الوصفات الطبيه تكون معك بالشنطه لان احتمال يسالونك عن الادويه الي معك , احتمال وليس اكيد.
ان بعض الادويه في الاولايات المتحده الامريكيه ما توصف الا بوجود وصفه طبيب. بس السؤال هل يعترفون بالوصفات الي تجي من خارج امريكا او لا؟؟ ما اعرف, بلكي اكو احد يكدر يجاوبنا على السؤال........

القيادة
السياقه في امريكا مريحه طبعا بستثناء مدينه نيويورك
حزام الامان الزامي في امريكا لازم تتعود انك تربطه في كل وقت.
و في الطريق السريعه لا تكعد تكبس "تولع النور القوي" على السيارات الي قدام والي ماسكه اقصى اليسار تريد تجتاز!!! انتظر ان يلف يمين او انت اضرب اشاره يمين وتجاوزه. في امريكا تقدر تتجاوز من اليمين الا ان كان في لوحه توضح ان التجاوز من اليسار.
- في الطرق السريعه خصوصا الي تكون بين اشجار وغابات راح تشوف علامات تنبيه ان في غزلان يمكن تطلع على الطريق امشي عادي بس بنفس الوقت انتبه لها لانه احتمال تكون بنص الطريق خصوصا بالليل.

المواقف

موضوع المواقف طويل وتفاصيله كثيره لان كل ولايه او كل مدينه يمكن لها نظامها وانا بحاول اني اختصر فيه و اوضح اهم الاشياء. لمن تسوق في امريكا في بعض المدن يصير اكبر همك تلاقي موقف وان الموقف الي تلاقيه ما عليه اي مشكله.
احرص انك تقرا اللوح الموجوده على الصوره وهل الموقف مجاني او بفلوس و الفتره المسموح الوقوف فيها.

المواقف

موضوع المواقف طويل وتفاصيله كثيره لان كل ولايه او كل مدينه يمكن لها نظامها وانا بحاول اني اختصر فيه و اوضح اهم الاشياء. لمن تسوق في امريكا في بعض المدن يصير اكبر همك تلاقي موقف وان الموقف الي تلاقيه ما عليه اي مشكله.
احرص انك تقرا اللوح الموجوده على الصوره وهل الموقف مجاني او بفلوس و الفتره المسموح الوقوف فيها
الاكل

- اذا كنت من محبي البيتزا وخصوصا البيبروني انتبه لان اغلب البيبروني من لحم خنزير و افضل شي لمن تطلب اكل و تشك انه في لحم خنزير انك تسال الي يشتغلون. واذا كنت في منطقه فيها مسلمين مرات هم ينبهونك.

7
البخشيش Tip

- اكثر المطاعم في امريكا ما يكون في رسوم خدمه و الزبون هو الي يحدد كم يعطي النادل و الي معروف اذا كانت خدمه ممتازه 20 الى 18 % من قيمه الفاتوره وسط تعطيه تقريبا 15% عاديه 10% انصح الواحد انه يدفع لهم فلوس خدمه لان رواتب الي يشتغلون قليله وبعدهم طلاب واذا ما اعطيتهم خدمه انصحك ما تروح لهم مره ثانيه لان يمكن ما يخدمونك زين. بس لازم تقرا الفاتوره قبل ما تدفع بخشيش لان بعض المطاعم تحط لك رسوم خدمه مثلا اذا كان عدد الي اكلوا سته او اكثر او المطاعم العربيه خصوصا الي فيها سهرات يحطون خدمه غصب علينا.

الشرطة

لا سمح الله اذا وقفك شرطي في طريق سريع او داخل المدينه وانت راكب سيارتك وقف على جنب ولا تنزل من السياره ابدا و حط يديك على الدركسون علمود يشوف ايدك ولمن يدق الشباك افتح له و رجع يدك او خلها واضحه اهم شي وانطيه الاوراق الي يطلبها منك. اهم شيء لا تنزل من السياره الا لمن يطلب منك وخل ايدك ظاهره طول الوقت.

9
محطات البنزين

- في امريكا 3 انواع للبنزين ولكل نوع سعر ومن خلال تجارب الشباب ان البنزين الرخيص يحترق بسرعه و راح تعبي مره ثانيه في وقت اسرع من لو عبيت الوسط. فصاروا يعبون من المتوسط منها سعره يكون وسط و يطول شوي.
- سعر البنزين مو ثابت تقريبا كل يوم له سعر.
- سعر البنزين يختلف من محطة لمحطة ثانيه حتى لو انها جنبها و ما ادري على اي اساس بس النوعيه لها دور يعني مرات الغالي يكون احسن من الرخيص.
و في نوعين من المحطات وهذا الشي يعتمد على الولايه. وفي ولايات مثل نيويورك فيها النوعين. النوع الاول خدمه ذاتيه انت تنزل وتستخدم اما البطاقه الائتمانيه او تدفع كاش عند البقاله او الموظف وتقوله رقم "البمب" الي موقف سيارتك عنها. والنوع الثاني خدمه كامله و يكون في موظف هو الي يصب لك البنزين.
هذي صوره لمحطه خدمه ذاتيه بس ان شاء الله ما راح يكون في ثلج
رسوم الطرق السريعه والجسور

10
Toll
- في بعض الطرق السريعه والجسور و الانفاق رسوم استخدامها. على سبيل المثال في احد الجسور في مدينه نيويورك علشان نستخدمه لازم ندفع 9 دولار. راح يكون في لوح توضح ان في رسوم و مكتوب عليها Toll وفي مسارات مخصصه للكاش - مسار لمن يكون عندك قيمه الرسوم بالضبط لازم تكون قروش لانك بترميها في شي يشبه السله - او المسار للي دافع الفلوس من قبل و يسمونه Epass ايزي باس. تكون السياره فيها جهاز لمن تمر من يخصم من حساب السواق.

مثل ما موجود بالصوره الي عنده ايزي باس ما يحتاج يوقف عند الكونتر او الكاشير.
- لو مشيت بدون ما تدفع الرسوم ينطوكم مخالفه. وافضل شي انك تخلي معك صرافه و قروش علشان ما تتبهذل. في بعض المخارج الصغيره ما يكون في موظف اما انك تكون مشترك في خدمه ايزي باس او يكون عندك قروش فقط.
الرسوم هذي موجوده بكتره عند مداخل اورلاندو و في الطرق السريعه
الكهرباء

- في امريكا اغلبها 110 و احتمال اكو افياش فيها 120 فولت بس.
- الشكل الي تاخذه الافياش الاستنادر الامريكي وهو الشكل هذا:

12
الجوال

- انا انصح الي يروح لامريكا انه يطلع جوال مسبوق الدفع. ولكن لا تستغرب لو استقبل مكالمه او استلمت رساله ان رصيدك نقص !! لان هنا يشرجون الاثنين المتصل والمستقبل. غير النظام الي نعرفه

13
الطواري

- لا سمح الله صار لك اي حاجه طارئه مو مثل عدنا الاسعاف رقم والمرور رقم و الشرطه وياليت في ناس تحفظها. هنا في امريكا كل حالات الطوارىء من اسعاف مطافي وشرطه نفس الرقم 911 .

14
الاشارات والتقاطعات

هذي نقطه مهمه جدا و تختلف عن نظامنا

مثلا انت تسوق جنوب و تريد تروح لليسار "جاي من تحت و تريد تروح يسار" لازم تحط اشاره انك تريد تروح يسار الاشاره بتصير الك خضره و لكن بنفس الوقت الي جاي من اليسار بتصير لهم الاشاره خضره"الي جاي من فوق" لازم تنتظر و تشوف ما كو اي سياره تريد تمشي جنوب "يعني ما في سياره تريد تمشي من فوق الى تحت" اذا شفت ان الطريق فاضي انت تقدر تمشي. تقدر تتقدم شوي الى النص و تنتظر الى ان يفضى واذا كان زحمه لمن تصير الاشاره برتقاليه انت امش ولكن انتبه لا يكون في احد قطع الاشاره.
واما اذا كان في الاشاره اسهم مثل الموجوده في اليمين واليسار تنتظر الى ان يصير السهم اخضر وتمشي وانت مرتاح بدون انتظار ولا شي.
لمن تصير الاشاره خضره لك فان اشاره المشاه بالطريق الي عندهم اشاره حمره تكون مسموح المشي فلهذا انتبه وانت تلف لا تصدم احد لان المشاه لهم الاولويه
"اتمنى شرحي واضح لان صعب اشرحها بالكتابه"

15
الامتعه

- لمن تريد تسافر في احد المطارات شركات الطيران تطلب من المسافرين انهم ما يقفلون شنطهم باحكام لان على ما اعتقد ان التفتيش يكون بالداخل.
- في امريكا لك شنطه وحده تدخلها معك في الطياره و شي شخصي. مثلا شطنه تنسحب وشنطه الاب توب.
- الوزن مو الشي الوحيد الي يهتمون فيه الخطوط الامريكيه بالسفر الداخلي او حتى الخارجي.
من الشهر الخامس اكثر الخطوط راح تسمح للمسافرين انه يدخل شنطه وحده فقط و يكون وزنها 50 باوند او اقل "تقريبا 22 كيلو ونص" مجانا والشنط الثانيه تدفع فلوس عليها. هذا الكلام على الدرجه السياحيه. و حتى ابعاد الشنطه حاطين لهم حد معين. كل خطوط لها شروطه و سياسه من ناحيه الاثاث
- ممنوع تدخل سوائل معك في الشنط الي تشيلها بيدك. ولو تريد تدخل سوائل لازم تحطها في كيس بلاستك شفاف و ما تزيد عن 100 ملم من كل نوع.
Carpool

- في بعض شوارع الامريكيه خصوصا في الطرق السريعه يتم تخصيص شارع للسيارات الي فيها اكثر من شخصين ومرات لاكثر من ثلاث اشخاص و راح تلاحظون لوحات توضح هالشي والعاده يكون شعار الشارع هذا معين.

- لو مشيت في الطريق المخصص هذا وكنت شخص واحد وشافتك الشرطه يعطونك مخالفه غاليه.
- بعض طرق الكار بوول تكون محدده في ساعات معينه و في غير الوقت المحدد مسموح لك تمشي فيها حتى لو انت واحد.
الفكره من الكار بول انو يريدون الناس تتشارك بالسياره و تقلل الزحمه في الطرق
الوقت
Zone time

الاولايات المتحده الامريكيه مقسمه لست مناطق كل منطقه لها توقيت خاص و الاختلاف بين المنطقه والي جنبها ساعه وحده فقط.

ببدا من الشرق:
Eastern Standard Time (EST) GMT−5
Central Standard Time (CST) GMT−6
Mountain Standard Time (MST) GMT−7
Pacific Standard Time (PST) GMT−8
Alaska Standard Time (AKST) GMT−9
Hawaii-Aleutian Standard Time (HST) GMT−10
بس اضافه لاسامح الله صار شي من تخابر على 911 لازم تححلهم شنو تريد شرطه اطفاء لو اسعاف لانه اذا ماحددة تجي كلها وياخذون 500 دولار .