رحلتي الى سيقيريا Sigiriya

موضوع: رحلتي الى سيقيريا Sigiriya 2010-08-23, 15:35

صباااااحكم فل
رجعت لكم برحله جديده
رحلتي هالمره لبلاد الشاي والتوابل سيرلنكا
اول بعطيكم نبذه سريعه عن هالبلد
رحلتي الى سيقيريا Sigiriya Sri

இலங்கை ஜனநாயக சோஷலிசக் குடியரசு
بيعلمكم انه عرف لغتهم>>> رحلتي الى سيقيريا Sigiriya Swaffff

الدوله سيرلنكا
العاصمه كولمبو
اللغه السنهاليه - التاميليه
العمله الروبيه السيرلنكيه
المساحه 65610 كم والباقي ماتغير خخخخخخخخخ
عدد السكان 20 مليون تقريبا
الرئيس الشيخ ماهيندا راجباكسى رحلتي الى سيقيريا Sigiriya Swaffff

سيرلنكا البلد التي تشبه الكمثرى تقع في المحيط الهندي يحدها خليج البنغال من الشمال الشرقي والمحيط
الهندي من الجهات الباقيه
مناخها استوائي
سرنديب كان اسمها قديما ثم تغير اسمها الى سيرلنكا اثناء الاستعمار الانجليزي
لقد زارها الرحاله العربي ابن بطوطه عام 1344 م ويوجد هناك مدينه جميله على المحيط الهندي اسمها بنتوتا
والحقيقه انها سميت بأسمه بن بتوتا
ونفي اليها الشاعر العربي محمود البارودي وقال فيها اشعار كثيره على مدى 17 عام
تعاقب المستعمرون الغرب على البلاد طمعا بخيراتها بدأ البرتغاليون استعمارها وكانت نيتهم السيطره على
التوابل التي كانت بيد العرب ثم استعمرها الهولنديون ثم الانجليز والذين قاموا بزراعة الشاي هناك
واليوم تصدر سيرلنكا اجود انواع الشاي والتوابل
%الديانه تتصدر البوذيه القائمه ثم الهندوسيه ثم الكاثوليكيه ثم الاسلام ونسبة المسلمين 8
ستشاهد في سيرلنكا المعابد البوذيه والهندوسيه والكنائس والمساجد
هذه كانت نبذه بسيطه عن سيرلنكا
طبعا راح تكون الرحله على اجزاء كل مدينه جزء مستقل لان الصور كثيره والمعلومات والسوالف والمواقف اكثر
وفيه رحلات لثلاث دول غير سيرلنكا يعني بتملون
- - - - - - - - - -
الناقل الرسمي الخطوط السيرلنكيه رحلتي الى سيقيريا Sigiriya Swaffff

اختيارنا للخطوط السيرلنكيه مخطط له مسبقا ولم يكن عشوائي لان وجهتنا لم تكن سيرلنكا ولان خطوط اي بلد
لابد ان تمر على موطنها الاصلي اخترناها لنتمكن من المكوث فيها لمدة خمسة ايام وهي مدة اقامتنا
اقلعت طائرتنا انا وصديقي من مطار البحرين الساعه العاشره مساء بأتجاه العاصمه السيرلنكيه كولمبو
وهذه اول مره اسافر على السيرلنكيه وكانت الخدمه لابأس بها فهم يضعون العرب والخليجيين بقسم خاص
وكانت ثلاثة ارباع الطائره خليجيين
قبل الوصول الى سيرلنكا سوف يقومون بتوزيع كروت لدخول سيرلنكا باللغه الانجليزيه ويستثنى من هذا
مسافري الترانزيت
كان لدينا معلومات كافيه قبل وصولنا الى سيرلنكا وكان مخططنا هو البدء بالجوله من ابعد نقطه وهي مدينه سيقيريا
والتي يتطلب الوصول اليها 5 ساعات بالسياره كانت متعبه ولكنها الافضل
والخارطه توضح خطة الرحله
رحلتي الى سيقيريا Sigiriya Srimap

خطة الرحله كانت مغادرة مطار كولمبو الى مدينة سيقريا ومنها الى دمبولا ثم كاندي ثم نوريليا واخيرا العاصمه كولمبو
----------
وصلنا الى مطار كولمبو فجر يوم الثلاثاء 17-7-2007 استلمنا حقائبنا وانهينا اجراءات الدخول
لايلزم مواطني الخليج الحصول على تأشيرة دخول وسيحصلون على تأشيره لمدة شهر من المطار
توجهنا الى بوابة الخروج وهناك توجد المكاتب السياحيه
خلاص الى هنا ونوقف فصحى رحلتي الى سيقيريا Sigiriya Swaffff

قلت لصديقي اذا قربنا من المكاتب لاتقعد تلفت خلنا نروح لمكتب كأننا نعرفه من قبل واعجبته الفكره رحلتي الى سيقيريا Sigiriya Swaffff

اصحاب المكاتب ماتعرضونا ابدا قالوا وخروا عنهم هذولي مقطعين سيرلنكا رحلتي الى سيقيريا Sigiriya Swaffff

سلمنا على راعي المكتب وضربته بوكس على كتفه وانا مسوي نفسي اعرفه قلت له ماعرفتني؟
طبعا هو مايقدر يقول لا ماعرفك قال اييييه اكيد اعرفك رحلتي الى سيقيريا Sigiriya Swaffff

قلت له يالله طيب نبي سياره بسواقها وعطيته خطة الرحله قال طيب والفنادق قلت وهذي اسامي الفنادق
عطني اسعار الفنادق وسعر السياره بسرعه
المهم اتفقنا على سعر السياره وكان شرطنا ان السياره تكون جديده والسواق يتكلم انجليزي
بعد الهواش على السعر اتقفنا على مبلغ 170 دولار لمدة 5 ايام والبنزين عليهم وشارطين عليه نخليه يودينا اي مكان
ويوقف باي مكان حتى اذا مسكت معنا نخليه يرفع السياره ويخلي الكفرات تدور يسويها رحلتي الى سيقيريا Sigiriya Swaffff

بعد الاتفاق قلت اول اشوف السياره طلعنا وشفنا السياره كورلا جديده 2006 وسواقها لغته ممتازه بس شايب
-----
ركبنا السياره وكانت الساعه 6 ونص الصبح تقريبا وجهتنا سيقريا ابعد نقطه في رحلتنا
قال السواق ممكن اروح بس البيت اخذ شنطتي قلت له لاااااااا>>>مسوي قوي من اولها رحلتي الى سيقيريا Sigiriya Swaffff

قلت له لاااا اصلا حتى ملابسك هذي تنزلها قال هاااااااه رحلتي الى سيقيريا Sigiriya Blink

قلت امزح ياخي روح بيتك يالله ومنها نسلم على ورعانك قبل يروحون المدرسه>>>يمون رحلتي الى سيقيريا Sigiriya Swaffff

رحنا للبيت ودخلنا بالسياره داخل جلسنا ننتظر شوي الا هو جاي يركض ومرته وراه بالمكنسه رحلتي الى سيقيريا Sigiriya Swaffff

حتى هم عندهم هالحركه
قلنا خيييييير وش فيك يا لكي اسمه لكي بس منحوس
قال مرتي ماهي مصدقه اني بروح مع سياح قلت ايه الظاهر انك راعي سوابق رحلتي الى سيقيريا Sigiriya I.p.emsmilep

وراني راسه الا فيه رقم 37 قلت وش هالرقم قال هذا رقم الزنوبه رحلتي الى سيقيريا Sigiriya Swaffff

قلت افاااااااا قال ماشفت شي وراني ظهره الا كله ارقام 37 بس لاحظت رقم 40 قلت وهذا وشو قال هذي
امها سيرت علينا مره رحلتي الى سيقيريا Sigiriya Swaffff

قلت طيب امش لاتخليني احط لك رقم 43 >>>مقاسه رحلتي الى سيقيريا Sigiriya Swaffff

مشينا والجو ممطر وخويي متمدد ورى والسواق يسولف انا طيحت معه الميانه من بدري
كان الطريق مزحوووم مره وكله بنات قلت له شسالفه قال هذولي عاملات المصانع يروحون الدوام

رحلتي الى سيقيريا Sigiriya Sig58

الدراسه في سيرلنكا تنتهي في اخر اغسطس
المسافه لسيقريا حوالي 170 كم لكن الطريق زحمه ولا فيه طريق سريع
وحنا نمشي بالسياره شفت شركة اتصالات دايلوج قلت له وقف ابي اشتري شريحه وقفنا ودخلنا المكتب قالوا
اذا بتطلع من عندنا لازم يكون عندك اقاامه رحلتي الى سيقيريا Sigiriya I.p.emcrook

تصدقون اول مره اخاف من الجوازات حسيت نفسي بنغالي قلت طيب الحل قال السواق خلاص بطلع لك بأسمي
قلت اوكي قال بس هاااا ماتوهقني قلت لا افاااا علييك بس
وانا قلت بنفسي خله يقعد يلف ويدور معنا والله لاتصل على نمور التاميل واقفل لين يجيبونه رحلتي الى سيقيريا Sigiriya Swaffff

افضل شركة اتصالات هي دايلوج لانها تغطي كافة مدن سيرلنكا ولكنها الاغلى
كانت قيمة الشريحه بدون شحن 6 دولار وتقدر تشحنها من الشركه واقل سعر للشحن 250 روبيه
مدة الشريحه شهر فقط وهي الانسب للسياح
طبعا فيه شرايح تباع بدون اسم خارج الشركه لكن مو مضمونه
قالوا لي بنفعلها لك بعد ساعه طبعا حتى اللي يتصل عليك محسوب عليك نسبه من الاتصال يعني انسى دقه وتقفيله

رحلتي الى سيقيريا Sigiriya Sig56

اخص عليها سنووون تقول تفرش بكلوركس رحلتي الى سيقيريا Sigiriya Swaffff

بدا الطريق يصير اجمل كل ما قربنا الى سيقريا
رحلتي الى سيقيريا Sigiriya Sig14

طلعنا وواصلنا رحلتنا وصلنا لفندقنا في منطقة سيقريا وكان اسم الفندق امايا ليك واخذ الاسم من اسم البحيره
المهم وصلنا بوابه وعليها عسكري رحلتي الى سيقيريا Sigiriya I.p.emcrook

قلت بسسسس رحنا فيها هذا من نمور التاميل والحين بنصير رهائن زي الكوريين رحلتي الى سيقيريا Sigiriya Blink

بس الكوريين اهلهم يبونهم وحنا اهلنا مايبونا بيقولون وش نبي فيهم يستاهلون خلهم يقعدون رحلتي الى سيقيريا Sigiriya Swaffff

بس اشوى طلع هذا الفندق وهذا سكيورتي
وصلنا الفندق الساعه 11 ونص قبل الظهر قلنا للسواق روح الحين والساعه 4 نلقاك بالرسبشن
بس هااااااه مو تصير زينا نقولك 4 تجي 5 رحلتي الى سيقيريا Sigiriya Swaffff

هذا مدخل الفندق

اول ماوصلنا عطونا شاي مثلج
رحلتي الى سيقيريا Sigiriya Sig59

احد يشرب الشاي من البريق على طول رحلتي الى سيقيريا Sigiriya I.p.emcrook

عطونا مفتاح الغرفه وطريقتهم غريبه شوي
رحلتي الى سيقيريا Sigiriya Sig60

المفتاح بالظرف هذا ويحطون عليه ورد خويي يقول يمكن هذا بذر ويبونا نزرع معم قلت هااااه رحلتي الى سيقيريا Sigiriya I.p.emcrook

واحذف المفتاح عليهم قلت من اولها تشغلونا عندكم خلااااااص بنرجع رحلتي الى سيقيريا Sigiriya Swaffff

وهذ اللوبي بالهوا الطلق

رحلتي الى سيقيريا Sigiriya Sig41

الظاهر اللي قبلنا زرعوه رحلتي الى سيقيريا Sigiriya Swaffff

طبعا اللون الوطني عندهم البرتقالي والاخضر>>>الله من زين الذوق

رحلتي الى سيقيريا Sigiriya Sig48

سياكل للايجار الساعه 30 روبيه
ثلاثين روبيه = ريال
الدولار=110 روبيه

رحلتي الى سيقيريا Sigiriya Sig38

الفندق كان عباره عن منتجع غرف مبعثره بالغابه تغطيها الاشجار
رحلتي الى سيقيريا Sigiriya Sig43

ترى الوزره يعني يونيفورم رحلتي الى سيقيريا Sigiriya Swaffff

هذي غرفتنا من برى
يعني عادي تقوم الصبح وتشوف مع الدريشه اسد مار رحلتي الى سيقيريا Sigiriya I.p.emcrook

والا تشوف طرزان معه عيال عمه رايحين قنص رحلتي الى سيقيريا Sigiriya Swaffff

يكتبون لك عبارات باوراق الاشجار والورد العديد من العبارات على حسب التوقيت مثل صباح الخير
او مساء الخير او مرحبا

رحلتي الى سيقيريا Sigiriya Sig46

حركات هالفندق ختى تلفزيوناتهم بلازما

رحلتي الى سيقيريا Sigiriya Sig45

حاطين هالصوره الظاهر صورة راعي الفندق رحلتي الى سيقيريا Sigiriya Swaffff

انا لقيت هالقطعه الصفرا اللي على السرير ولبستها الصبح وطلعت وقعد يلحقوني وانا رايح المطعم قلت خير
قالوا وش فيك لابس الشرشف قلت والله على بالي وزره حاطينها لنا رحلتي الى سيقيريا Sigiriya I.p.emcrook

كل شجره مكتوب عليها اسمها

الساعه 4 طلعنا مع السواق كانت وجهتنا الى صخرة سيقريا
رحلتي الى سيقيريا Sigiriya Sig17

قال السواق حنا متأخرين وش رايكم اوديكم مع طريق مختصر قلت اذا فيه قطاع طرق عادي روح معه نبي اكشن
كان الطريق مختصر بس طوله تقريبا 5 كم بين المزارع وبيوت الفلاحين والقنوات المائيه
--------------
رحلتي الى سيقيريا Sigiriya Sigiriya

صخرة سيقيريا
ROCK FORTRES
رحلتي الى سيقيريا Sigiriya Sig19

ترى هالاقرع خويي>>>بينجلد رحلتي الى سيقيريا Sigiriya Swaffff

طبعا هالصخره لها قصه بقولها لكم بأختصار
كان قديما ملك يحكم هذه المنطقه وقرر انه يخلي ولده الصغير من زوجته الثانيه يحكم وهنا طنقر الولد
الكبير وقال معصي والله مايحكم وقام وذبح ابوه وانحاش ومعه حاشيته واستقر على هالصخره وحصنها
تحصين قوي وحفر قناه مائيه حول الصخره وملاها تماسيح وقال لاخوه كانك رجال ادخل رحلتي الى سيقيريا Sigiriya Swaffff

طبعا القصر منحوت حول الصخره وكان له مجلس فوق الصخره يستخدمه بالصيف

تذكرة الدخول غاليه 20 دولار

رحلتي الى سيقيريا Sigiriya Sig18

الوصول الى الصخره متعب خصوصا اذا الجو رطب لان السيارات تقف بمنطقه بعييييده عن الصخره

الصعود الى الصخره متعب جدااااا واكثر السياح يكتفي بالوصول الى قاع الصخره
رحلتي الى سيقيريا Sigiriya Sig21

الممرات والسلالم وضعت بطريقه خطيره
والدليل هالعجيز اللي متمسكه بالسياج جايتها ام الركب رحلتي الى سيقيريا Sigiriya Swaffff

وهذا سلم حلزوني خطير جدااا لانه مثبت على جدار الصخره بأوتاد
وفي نهاية السلم يوجد جدار كان طويل العمر يشاهد صورته من خلال الجدار
وكان الجدار المقابل عليه رسوم لفتيات ويقال ان الامير لديه اكثر من 500 جاريه

رحلتي الى سيقيريا Sigiriya Sig23

ممنوع لمس الجدار

نزلنا وسلكنا طريق اخر وذلك للصعود للصخره
رحلتي الى سيقيريا Sigiriya Sig3

وهنا بداية الصعود الشاق

رحلتي الى سيقيريا Sigiriya Sig5

لم يكن هناك سلالم وكانوا يستخدون الحبال للصعود
السلم متعب جدا لضيقه ويوجد بعض درجات السلم لاتتجاوز 10سم عرضا رحلتي الى سيقيريا Sigiriya Blink

بالله وين تحط رجلك رحلتي الى سيقيريا Sigiriya I.p.emcrook

يعني انقز زي الكنغر على رجل وحده والا شلون

رحلتي الى سيقيريا Sigiriya Sig4

بمنتصف الطريق التقطت هذه الصوره للغابات المحطيه بالصخره

وهنا بتشوفون خلايا نحل كثيره على جدار الصخره لكن لاتحاول تزعج النحل او ترميه واذا شفت احد يحارش
النحل حط رجلك رحلتي الى سيقيريا Sigiriya Swaffff

واخيرااااااا وصلت للقمه وهذي لقطه للمنطقه من قمة الصخره وفيه بركه كبيره تجتمع فيها مياه الامطار يشربون
منها ويتسدح فيها الامير وش يسوي ماعنده شغل حاشره اخوه على هالحصاه رحلتي الى سيقيريا Sigiriya Swaffff

قبل الغروب

رحلتي الى سيقيريا Sigiriya Sig2

وهذي لقطه للمدخل اللي دخلنا معه

رحلتي الى سيقيريا Sigiriya Sig10

عادي الناس هناك يمشون حافين

رحلتي الى سيقيريا Sigiriya Sig8

لاتتوقع ان النزول سهل
بالصوره هذي فيه طريقين واحد رايح وواحد جاي طبعا كان قدامي مجموعه من السيرلنكيين ولان الوقت تأخر
كان طريق الصاعد فاضي قمت ونزلت معه وطبعا سبقت الجميع واستغربوا السيرلنكيين قالوا وشلون ماجت
على بالنا وكان فيه واحد باخر السلم يعني خلاص بيوصل قام رجع مع طريقه وجا وراي
من جددددددددد سيرلنكي رحلتي الى سيقيريا Sigiriya Swaffff

طبعا لان فيه كثير يحارشون النحل خصوصا المبزره وقاموا وحطوا هالغرفه عشان تندس هنا
لكن لو احد حارش النحل وانت فوق وش تسوي رحلتي الى سيقيريا Sigiriya I.p.emcrook

طبعا فيه مناظر كثيره تستحق التصوير لان هالصخره عجيبه وبنيانها عجيب بس بعض الصور كانت مهزوه
لانها كانت اول الصور اللي صورتها واعدادت الكاميرا ماكانت مضبوطه رحلتي الى سيقيريا Sigiriya I.p.emsad

واذا نزلت تحت بتشوف جواد العلي بس النيجاتف حقه رحلتي الى سيقيريا Sigiriya Swaffff

طبعا معه هالحيه الصغيره والعلب اللي قدامه فيها كوبرا يرقصها على انغام المزمار

رحلتي الى سيقيريا Sigiriya Sig66

اضغط على الصورة لمشاهدة الفيديو
رحلتي الى سيقيريا Sigiriya Sig12

وعند المخرج لقينا هالمحل يبيع تحتف وتماثيل وتذكار

رحلتي الى سيقيريا Sigiriya Sig63

رجعنا وكان الوقت بعد المغرب شفنا محل عصيرات طازجه وخلينا السواق يوقف
هالمحل ياخذون الفواكه من مزرعه خلف المحل وسعر كاس العصير 100 روبيه
رحلتي الى سيقيريا Sigiriya Sig13

بعدها رجعنا للفندق وتعشينا بمطعم الفندق كان عباره عن بوفيه لذيذ ونظيف
كان الجو مطر روعه
طبعا كنت اسأل السواق وش اشهر اكله عندكم قال الرز بالكاري قلت لازم اجربها
بس نصيحه لاحد يجربها الا جنبه جيك ما لانك بتشوف الدخان يطلع من اذانيك رحلتي الى سيقيريا Sigiriya I.p.emcrook

بالفندق راح تشوف السناجب بكل مكان على الاشجار وعلى الصخور والارض

وبعض المرات تشوف اشياء ثانيه رحلتي الى سيقيريا Sigiriya I.p.emcrook

الجوانا حيوان زاحف يشبه الضب بس تيربو رحلتي الى سيقيريا Sigiriya Swaffff

طبعا هذا حجم صغير ويكبر ويوصل بطول متر ونص بس احسن مافيه انه نباتي رحلتي الى سيقيريا Sigiriya Swaffff

رجعنا للغرفه وقعدنا نقلب بهالقنوات التلفزيونيه مالقينا طاري لكاس اسيا اصلا ماعرفنا ولا قناه كلمناهم قالوا
ماعندنا الا هالقنوات
من الطفش رحت اسألهم عن النت قالوا فيه بس المسؤل عن النت طالع انتظر لين يجي
قلت الظاهر النوم احسن وانا راجع سمعت صوت ناي بس مادري من وين كان قريب وجلست ادور من وين جاي الصوت
كانت المنطقه مظلمه ولافيه شي مبين شافني واحد وقعد يأشر لي على برج رحت للبرج ولقيت رجال جالس
فوق ويعزف على الناي كان الصوت روووعه طلعت عنده وقلت له اعزف مره ثانيه
شوفوا المقطع
رحلتي الى سيقيريا Sigiriya Sig65

اضغط على الصورة لمشاهدة الفيديو
وهو يعزف قاعد اطلع تحت لاتطلع لي حيه مستنزله رحلتي الى سيقيريا Sigiriya Swaffff

انتهى هذا اليوم وفي اليوم الثاني بعد الفطور اخذت الكاميرا بعد تعديل اعدادتها ورحت للبحيره اللي يطل عليها
الفندق وجبت لكم هالصور الرااااائعه
رحلتي الى سيقيريا Sigiriya Sig37