ممكن تتزوج بنت على علاقة معها؟؟

شباب هو ممكن تتزوج بنت كنت على علاقه بها

السلام عليكم ورحمه الله وبركاته

هل تتزوج وحدة كنت على علاقة بها ؟

سؤال للنقاش.. وللبنات رايكم ووجهة نظركم

بصراحه موضوع مهم هل تتزوج بنت تعرفت عليها

عن طريق التليفون او الانترنت ؟

وهذه قصة حدثت اريد رايكم فيها

محادثه هاتفية بين حسام واخته رنين

نبدأ بالمحادثة الووو مرحبا رنين انا حسام..

رنين : اهلين حسام ... حسام : عندي موضوع بدي احكي معك فيه بخصوص
بنت.. شو رأيك في (فلانة) الي انا على علاقة فيها , وهي بدها
نرتبط..

رنين : البنت محترمة وما عملت اي غلط..
رنين : وليش متردد انك تخطبها؟

حسام : لانها قبلت تحكي معي بالتلفون..

رنين : بس انت قلت لي انها محترمة وانك تعمقت معها وانك بتحبها؟

حسام : صحيح وهي محترمة جدا لكن !!

رنين : لكن ايش يا حسام ؟
حسام : اكيد الي قبلت تحكي معي حكت مع غيري...

رنين : مش شرط يا حسام !!

حسام : لأ شرط ونص يا رنين..

رنين : بس انت يا حسام بتحكي معها من فترة طويلة

ولما اجاك وقت الجد وقلنا يا زواج صوريت بدك تتهرب؟

حسام : صح لكن .... عندي مبدأ في الحياة وهو "

الي بتحكي معي بتحكي مع غيري وبتخون".. ويستمر

الحديث الذي لا ينتهي......

رأيكم يا شباب نتناقش بهذا الموضوع ؟

هل ترضى ان تتزوجها ؟

رأيكم بصراحه واراء الجميع المجربين وغير المجربين... دون احراج طبعا

اراءكم بتفيد الكثير من البنات.. والبنات مدعوات للمشاركة

ايضا هل ينجح هذا الزواج ؟؟؟ ام ان الشك سيسيطر على الطرفين؟

السلام عليكم ورحمة الله

اولا احب ان اشكركي اختي العزيزة على هذا الموضوع او المسالة المهمه جدا
ومثل ما تحدثتي انها تحدث كثير الكثير في ايامنا هذه
ثانيا انا لا اشارك كثيرا في هذا القسم واردت ان اشارك في الموضوع للاهمية
المهم وبعد الصلاة على النبي انا رايي مع الاخت وليس مع حسام وليس كل
من تتكلم على الهاتف اوالانترنت غير محترمه وحدث الكثير من القصة مكالمات على
الهاتف وتم الزواج من بعد والكثير من البنات يتحدثن مع الشباب بقصد الستر والزواج
ولكن وللاسف هناك العكس عند الشباب معظمهم يرد التحدث مع البنات من اجل امرين
اثنين ان يري اصدقائه انه يتكلم مع بنت او من اجل اشباع غريزته فقط
وهناك الكثير من البنات من تظلم
واخيرا لا اريد ان اطيل عليكم واقول الله يستر على الجميع ويهدي شباب المسلمين
على الطريق الصحيح
وارجو من الجميع تقبل مروري
ومره ثانية اشكرك كل الشكر على هذا الموضوع المهم للغاية
والسلام عليكم

بشكرك اخوي على الر د
انا حابة احكي انو اذا كل بنت بدها تحكي مع شب ويكون نيتها الستلر والزواج والشب الي بتحكي معاه ما يفكر فيها بالزواج اكيد ولا بنت رح ترضى تحكي مع اي شب لان اذا كانت البنت مش كويسة لانها احكت مع هادا الشب فاكيد بس لانها احكت معاه صارت مش كويسة لانها ما احسنت الاختيار
صدقوني في كتير شباب بيظلمو البنات ومجتمعنا بطبيعتو ظالم للبنت
يعني لما تكون مفكرة فيك يا شب بالزواج شو بدها بغيرك تحكي معاه
الله يستر علينا جميعا

اولا مشكوره الاخت فراشة المنتدى على الموضوع
انا شايف انو احنا بنحط الحق دايما على الشاب وبنحكي انو هو دايما الغلطان باي علاقه مع اي بنت مع انو
في بعض الشغلات بتكون البنت هي الغلطانه
وانا بعرف قصه صارت مع واحد من الشباب طبعا اتعرف على بنت وكان يحكي معها ع النت وع التلفون لمدة طويله تقريبا 3 سنين وكان طبعا الشاب كان بدو البنت ومتعلق فيها وبعد 3 سنين قرر انو يروح يطلبها وفعلا اخد اهلو وراح بس الاهل عارضو بحجة انو البنت عندها توجيهي وما بدنا نجوزها او انخطبها الا بعد التوجيهي
فقرر الشاب انو يستنا كمان مره ويرد يطلبها بعد التوجيهي الا انو اكتشق وعن طريق الصدفه انو حبيتو هاي اللاي حبها طلعت ابتحكي مع حد تاني وبنفس الوقت اللي كانت تحكي معو في
وهاي القصص بتصير مع الشباب كتير يعني مو دايما بكون الغلط من الشاب او انو الشاب هو اللي بكون بدو يتسلا بالبنت في مرات البنت هي اللي بتكون بدها تتسلا
مع ذالك انا بشوف انو مو غلط انو الواحد يتعرف على بنت ويتزوجها بس يكون متاكد منها وعارف عنها كل شي
واخيرا بشكرك فراشة المنتدى على الموضوع الشيق لك كل التحية

انا مع رفيقي ابو وطن في كلامة وانا ما نكون دائما مجحفين في حق الشباب انما الفتيات لهن بعض التصرفات الخاطئة وانا هنا اقول ان الاثنين في كثير من الحالات يتحملان نفس الوزر
فعلينا ان نكون حريصين ع العلاقات بيننا وان تكون في مجال الصداقة اولا وان توجد بزواج فذالك يكون افضل الافضل ولكن ع ان تكون في اطار اخوي بحت وبعيد عن المساس في مشاعر الطرف الاخر لان ذالك يؤدي الى فقدان الثقة واقولها ان كثير من الحالات توجت بزواج وكانت قصص حب رائعة جدا واعرف الكثيرين من الذين حدث معهم ذالك
واتمنا ان يوفق كل حبيبين معا وان نسمع عن قصص توجت بزواج مع احترامي الكبير الى الدين الاسلامي الذي يحرم كل هذة السلوكيات
مع احترامي فراشة المنتدى

اخي ابو وطن واخي حمورابي بشكركم كتير على تعليقكم وابداء رايكم
انا معكم ان الشب ممكن يكون مظلوم او ضحية في كثير من الاحيان ولكن دائما ما يكون بنسبة قليلة
اخوتي بعد كل القصص الي بنسمعها بحياتنا بين العشاق بتخلي الواحد فينا يحذر ويبعد عن كل شي في لبس
اخي حمورابي الاسلام حرم هاي السلوكيات اذا كانت في الاطار الحرام او الشبهة مزبوط على اساس ان ما يكون في رذيلة يعني الاسلام لو اباح للاشخاص بالتكلم والحديث والالتقاء بشكل غير محصور بخط احمر كان مجتمعنا بيكون متل الغابة
بقصد كان كل شب او بنت بيحكو وبيتحدثو وبيتعرفوا وبتصير بيناتهم علاقات غير شرعية وبعدين يالله سلام ما في نصيب
انا مثلا بتحدث مع اعضاء المنتدى على الدردشة بس الحمد لله في نطاق الاخوة والاحترام والخطوط الحمرة الواضحة الي لازم على كل شخص اتكون خطوطو الحمرة بارزة وما يتعداها او ما يسمح لحد يتعداها
اخي اذا اجيت لرايي الشخصي مع اني انسانة منفتحة بقصد عقلانية يعني في كثير من الامور الا اني بايد الزواج التقليدي لان في اغلب الاحيان بيكون ناجح وطبعا مش ضدد الزواج عن حب اذا كان مبني على اساس صح
كل التحية والاحترام تقبلو رايي

الخطأ هون ما بوقع على الشاب نفسو
في كتير احيان كمان البنت بكون الها دخل
بس اغلبية البنات بكون قصدهن الستره
بس الاسلام بمنع العلاقات بدون زواج
اي كان نوعها
حتى لو كان فقط حديث على الهاتف
لهيك في شي اسمو خطبه
فترة كافيه وكفيله لتعارف البنت والشب
شكرا اختي عالموضوع

» هل تتزوج بالعقل أم بالعاطفة ؟؟؟؟؟
» أردوغان: "حماس" على حق ونحن معها
» علاقة الاســـــــــــــــرة بالبـــــــــــــــــــيئة
» علاقة الحشرات بالإنسان
» ما علاقة بلع الريق بغازات المعدة