أبيات شعر شعبية ، بمناسبة العام الهجري الجديد من ( بحر الوسيط ) .

ـ({[ بسم الله الرحمن الرحيم ]})ـ

الأخوه والأخوات الكرام

"السلام عليكم ورحمة الله وبركاته "

أما بعد :

كل عام وأنتم بخير وسلام ، كل عام وأنتم آمنين مؤمنين وفي اتحاد دائماً بإذن الله .

أُقدم لكم هذه الأبيات الشعرية الشعبية وهي من أشعار ( البحر الوسيط ) .

وقد أعددتها لتكون في "7" سبعة فصول منها القصير ومنهاالطويل ، وهي عن هجرة الرسول أبيات شعر شعبية ، بمناسبة العام الهجري الجديد من ( بحر الوسيط ) . Salla

أبيات شعر شعبية ، بمناسبة العام الهجري الجديد من ( بحر الوسيط ) . Salla

قبل ألف وأربعمائة عام ؛ والفصول ستحكي عن :

1ـ طلائع يثرب .

2ـ المؤامرة .

3ـ على باب النبي .

4ـ الهجرة .

5ـ الهجرة الكبرى .

6ـ الرحيل .

7ـ طلع البدر .

أرجو أن تنال رضا الله سبحانه وتعالى ورضا الرسول أبيات شعر شعبية ، بمناسبة العام الهجري الجديد من ( بحر الوسيط ) . Salla

ثم رضاكم بإذن الله .

يتبع


	ـ({ طلائع يثرب })ـ


	كان الرسول في جهاده سابقُه نور وهَاج * وف موسم الحجِّ ، يتقابل مع الحِجَّاج يقرا عليهم آيات ، ويأمنوا بيه أفواج * وكانوا أهل المدينة للجهاد عِنوان أول ما سِمعواالنبي بيرتل القرآن ؟ * آمنوا بِدينه ، وبايعوا و أسلموا في أمان على الثَّبات في الميدان ، لوكان في بحر عجاج * عاهدوه على التضحيه بالمال ، وبالأولاد * على الجهاد في سبيل الله ، والاستشهاد ع النجده ، على شد أزره ، بالسلاح والزاد * عاهدوه على كل ما قاله ، وعاهدهم وربنا من سماه ع العهد شاهِدهم * بايعوا . وإيد ربنا كانت على إيدهم وشاف جهادهم ، صَدق . والحب بينهم زاد *

يتبع

عدل سابقا من قبل jerusalem في 2010-12-16, 15:21 عدل 1 مرات


	المؤامرة


	اتغيَّر الحال . . وصار الحال ، خِلاف الحال * واتجَّمعوا المشركين ، قالوا نِشوف لنا حال واحد يقول نِطرُدُه .. يلقى اللي ردْ وْقال ؟ * نبقى خَدَمناه .. ويبقى عندُه يُوم العيد يِقدر يِكافح ، وتكبر دَعوتُه ، وتزيد * احنا نقوم نسجنه ، ونسلسله في حَديد يموت في سِجنه وحيد .. قال ده كلام يتقال !! * إزاي بقى نموِّته ؟ واحنا رجال أَشراف !! * ونودِّي فين وِشنا ، من شَعب عبد مناف ؟ ده مهما كان مننا ، له عندنا إنصاف * إبليس مَعَاهم ، ولابِسْ زيِّ شيخ نجدي سِمِع كلامهم لَقَاه في شَرْعه غير مُجدي * قال لو سِمعتوا كلامي ، تبلُغوا مَجدي اوفوا بعهدي ، بلاش يحصل ما بينكوا خْلاف ! * هاتوا لي كام شاب م اللي بأْسُهُم معروف * من كل عيله فتى ؛ ؛ مِتْسَلحين بسيوف . يتربصوا له وهوخَارِج . . وِمش حَيشوف ! * وِيضرَبوه ضَربه ، لا يغَرَّب ؟ ولا يشرَّق ! يِموت ، وبين القبايل .. دَمُّه يتفرق !! * وِدِيِّته ؟ عِيلته تاخدها ؛ ؛ وتتطرَّق ! ما حد فيهم حيتجرَّأ ، لِحرب أُلوف *

يتبع


	على باب النَّبي


	المُشركين الليلادي سلحوا الأنفار * راحوا لِدار النَّبي عَمَلوا عَليها حْصار نِزِل لُه جبريل ليلتها ، قال له ع الأخبار * وقال له سِيب المكان . والفرش يتغَيَّر وِ جه علي نام ، في فرش السَّيِّد الأكبر * وَلَفْ جِسمه في بُرْدُه الْحَضْرمِي الأخضر وِوَجْهُه ع الفرش نَوَّرْ يبهر الأبصار * ع الباب أبو جهل بيْوَشْوِشْ أبو سفيان * وِيْقُول له خايف لَيفْلت مِنِّي زَيِّ زمان لِيلة ما جيت اقتله بْكتلة حَجَرْ صوَّان * وِهُوَّه ساجِد . وِمِش ممكن حَيعرفني أَوِّل ما جيت اضربُه شُفت اللي كتِّفني * لَقِيت وَراه فحل كاسِر ، كان حَيلْهفني جِريت ما خلِّيت يشوفني أَيُّها إنسان * قال له ابن حَرْب الليلادي النَّصرللأَصنام * حَيقتلوه الشباب ، ويحقَّقوا الأحلام نَظَرْ أُميه لِفرشُه وْقال .. خلاص .. اهو نام * يادوب نَطقها ، لِسانه فْ حلقه راح واقف كان الحبيب وَقتها من وسطهم رافِف !! * وخلَّى أَتخن ما فيهم للتراب سافِف ملا الدقون والشفايف ، وانطلق قُدام ! ! * قرأ"يس"كتِّفِتْهْم .. حَتَّى عَدَّى وفات * أصله احتمى في حِمى رافع سَّبَع سَّموات وهما سارحين .. ومنظرهم كما الأَموات * إلا .. وراعي .. يقول . إيه اللي سَمَّركم !! مَنظركوا مُضحك قوي ياما احْلى منظركم * ضِحك عَليكم ولمْ تْراب ، وِعفرَّكم !! وبُكْرَه يطلع خَبْركم ينكتب حِكايات * الراعي ساب الجماعه النوم مطلْمِسْهُم * وراح يلفْ البلد بالليل .. يجرَّسهم على التراب اللي في دْقونهم ، وفوق رُوسهم * أَول ما فاقوا على بيت النَّبي خشوا لقوا ابن عمْ النَّبي هوه اللي في فرشه * ملفوف في بُرد النَّبي .. والنور على وشه خافوا وِ كشوا ، وِ رِجعوا يْلوموا أنفسهم *

يتبع


	الهجرة


	بَعد الصلاه ع النَّبي زادِي وِزِوَّادي * أقول على اللي جرا . . بعد المؤامرادي الوحي جه م السما . . للمصطفى الهادي * يقول له هاجر . . بأمر الواحد الخلاَّق روح المدينه . . تيلاقي الحب . والأخلاق * قال النبي تبقى هجره م الوطن وفراق !! عزيز عليَّه الفراق .. واللهِ .. يابلادي * يصعَب عليَّه أَسيب أحبابي بتقاسي * من ظلم مكه وقسوة شعبها القاسي ! ! ليه ياعَشيرتي كده ؟؟ ياأهلي .. ياناسي !! * دَنا ابنكم . . مِنِّكم .. دي آخرة العشره دَنا لكُم جِيت بِعِزِّ الدُنيا والآخره * تكذْبوني . . وتضطرُّوني لِلهجرة ! ! مَعَلهش . . مَوْعدنا بُكره ، تِرتِفع راسي * مَوْعدنا بُكره . . وبُكره صُبْحُه جيِّ قريب * وِمْسيره يُوم العدو يِصفى وِيبقى حبيب وِمْسيري أرجع لِبلدي . . مهما عِشت غريب * بإذن واحد أَحَد أَكبرْ نَصير وِمُعين اللي وَاعدني بِنصره كلِّ وَقت وْحين * حاجِي لْكو تاني . . وِأْدخل دخْلةِ الفاتحين ربي وَعَدني بِنصر مُبين ، وِفتح قريب * رَّاح بيت أبو بكر .. قال له .. هِجرَه .. ياصِدْيق * وانت معانا في هِجرتنا . رَفيق وِصَديق أَخُويا في صحبتي . . وِزْمِيلي وقت الضيق * خلِّيك يا ابو بكر في دَارَك على استِعداد وقام أبو بكر ما خَلَّى لا مال . . ولا زاد * لمْ اللي حيلته . . ما سابْشي حاجه للأَولاد واستنَّى وَقت المعاد ، يِمشوا في أي طريق * أَسماءْ كرِيمتُّه وِهُوَّه شايل الشْيله * فِهْمِت غَرَضْهم .. وِرِحلتهم .. في دِي الليله وَبْخِفْه قامِت بِدَال ما تِبقى هُليله ؟ * سَاوَت شُقافه ، وِلفِّتها في صُرَّه حرير وِسِيْدها ابو قْحافه كَان راجل كبير . وضرير * نَدَهِت لُه حسِّس عَليها ، ظنِّها دَنانير سَايِبْها إِبنه الكبير ، لِلصَّرْف ع العيله *

يتبع .


	الهجرة الكبرى

هاجر حبيبي النبي في غفلِة النوَّام *** ستر عليه اللي لا بيغفل ، ولا بينام
ومعاه أبو بكر ، أول مهدي للإسلام *** و"ابن الأُريقط " معاهم ، الطريق حادي
والصحرا عايزه الخبير ، ماهيش مسير عادي *** القافله سارت حارسها الواحد الهادي
والبدر كان اللِّيلادي ، نورُه بدر تمام
***
مِشي مُحَمَّدْ ، وِصاحبه ، لما وِصلوا الغار *** كان اسمه "ثُور" و رحَّب بالنبي المختار
قال له استريَّحْ في حُضني ، من شقا المشوار *** نام الرسول م التَّعَب وزميله بات سهران
يِشاهِد النور ، وقلبُه يرتِّل القرآن *** وابن الأُريقط عن الصُّحبه ماهُش غفلان
عامل لُهم دَيْدَبَان ، أصل الطريق غدَّار
***
كام ليله فاتِت ، وِضيف الغار على حالُه *** يناجي سِيدُه بأّحسن قول نبي قاله
مستَّني أَمرُه ، وِلِسَّه الأمر ما جالُه ! *** وكل ليله تِجي لهم بنتهم . . أسماء
تِندَه لَبوها ونبينا بأَعذب الأسماء *** تدخل لهم في نطاقها بالطَّعام ، والماء
لسيِّد الأنبياءْ ، لِلصبر . . وجْمَاله . .
***
شافها الحبيب النَّبي شايْله على الكِتفين *** واحد عليه مَيَّه ، والتَّاني طَعام صَنفين
مِسِك نطاق البُنيَّه طَبَقُه نِصفين *** شَقُّه نطاقين ، وغطَّاها النَّبي بِنِطاق
و التاني قال تِربُطي فِيه الطَّعام وِالماءْ *** وِرَوَّحِت والنَّ

هاجر حبيبي النبي في غفلِة النوَّام *** ستر عليه اللي لا بيغفل ، ولا بينام
ومعاه أبو بكر ، أول مهدي للإسلام *** و"ابن الأُريقط " معاهم ، الطريق حادي
والصحرا عايزه الخبير ، ماهيش مسير عادي *** القافله سارت حارسها الواحد الهادي
والبدر كان اللِّيلادي ، نورُه بدر تمام
***
مِشي مُحَمَّدْ ، وِصاحبه ، لما وِصلوا الغار *** كان اسمه "ثُور" و رحَّب بالنبي المختار
قال له استريَّحْ في حُضني ، من شقا المشوار *** نام الرسول م التَّعَب وزميله بات سهران
يِشاهِد النور ، وقلبُه يرتِّل القرآن *** وابن الأُريقط عن الصُّحبه ماهُش غفلان
عامل لُهم دَيْدَبَان ، أصل الطريق غدَّار
***
كام ليله فاتِت ، وِضيف الغار على حالُه *** يناجي سِيدُه بأّحسن قول نبي قاله
مستَّني أَمرُه ، وِلِسَّه الأمر ما جالُه ! *** وكل ليله تِجي لهم بنتهم . . أسماء
تِندَه لَبوها ونبينا بأَعذب الأسماء *** تدخل لهم في نطاقها بالطَّعام ، والماء
لسيِّد الأنبياءْ ، لِلصبر . . وجْمَاله . .
***
شافها الحبيب النَّبي شايْله على الكِتفين *** واحد عليه مَيَّه ، والتَّاني طَعام صَنفين
مِسِك نطاق البُنيَّه طَبَقُه نِصفين *** شَقُّه نطاقين ، وغطَّاها النَّبي بِنِطاق
و التاني قال تِربُطي فِيه الطَّعام وِالماءْ *** وِرَوَّحِت والنَّبي يِدعِي لْها أَحلي دُعاءْ
مِن يَومها (( أَسماءْ )) يسمُّوها "ذاتِ النِّطاقين"
***
إبن الأُرَّيْقَط ، في يوم بيراقِب الصَّحْره *** لمَح جماعه في عزِّ الحرِّ ، والنُّقْرَه ! !
متسلحين بالسُّيوف أَما العُيون حَمْره *** في الحال عِرفهم ، وكان متربِّي ويَّاهم
قريش لِقتل الرَّسول في السِّكه باعْتاهم *** نَدَهْ على المصطفى وْصاحبُه ، ورسَّاهم
وخالِق الكون مَعاهم ، ساعِة العُسره
***
نظر أَبو بكر، للهادي .. وقال له: خلاص ؟ *** لَوْ يكشفونا النَّهارده ؟ نبقَى ضِعْنا خلاص
وإيه يكون العمل ؟.. وازاي نِلاقي خَلاَص *** قال له ماتِحْزَنْشِي أبداً ، ربِّنا مَعانا
هوَّه مْواعدني.. يكون في الشِده ويانا *** ده الإنس والجن ، واحنا معاه بِتِخْشانا
وانا بأّدي الأّمانه بْهمَّه ، وِبْإِخلاص
***
رسالتي لازم أَوصَّلها ، لِغايتها *** والليِّ بَعثني بِها ؟ ضامِن حِمَايتها
واحْنا ياابو بكر ، في أَوِّل بِدايتها *** رسالْتي ياصاحْبي راح تِجعل خَرابْهَا عَمَارْ
رِساله جبَّاره ، قُدامها كفاح جبَّار *** لِسَّه ياابو بكر حَنْخَطْي جِبال ، وبحار
مُش مُمكن الغار ، يكون آخِر نِهايتها
***
اطَّمِنوا ، في رعاية الله وفي رحابُه *** وأرسل الشرك طُلاَّبُه ، و أَرْبابُه
وِ وِصلوا ، للغار وهوَّه مْداري أحبابه *** كان اللي سوَّى الأَنام ، سوَّى أُمُور وأُمُور
خَضَّر غُصون السَّلام ، نَابْته زُهور وِزْهور *** جاب الحمام واليمام ، فاقسه طُيور وِطيور
والعنكبوت من دُهور ، ناسِجْ على بابُه ! !
***
تدبير إلٌهي ، جَعَلهم غَمَّضُوا عْنيهم !! *** مافكروش ليه عَشان يِستعملوا إديهم ؟؟
وليه ما بصُّوش ساعتها تحت رِجليهم ؟؟ *** لو كانوا وطُّوا ؟ لكان النّْور عَليهم لاح
لو حد منهم قَعَد حبَّه عشان يرتاح ؟ *** كان شاف جَمال الرَّسول اللي خَرج سوَّاح
وكل شئ كان مُباح ، لكن .. ده بِعْنيهم! !
***
لوكان..ماكانشِّي؛خُلصنا..واللِّي كان..أهو كان *** عايْزين مُحَمَّدْ.. وِحَيْطَارْدوه في كل مكان
وِمِش حيلقوه .. ولو لفُّوا السَّبّعْ تِركان *** لَو قَلْقَلوا الصَّخر بإِديهم ، وهدُّوا جْبال
لَوْ كيِّلوا البحر . .ويا النَّهر ، بالفنجال *** لو يِنْخُلُوا الرَّمل بالمَنْخُل ، وبالغُربال
مُحال حَيلقوه . مًحال ، ولا هوَّه فِي الإِمكان !!
***

بارك الله فيك اختي العزيزة ابدعت يداك ماشاء الله

» نظرة إلى العام الهجري الجديد
» تقبل الله طاعتكم وكل عام وانتم بالف خير بمناسبة قدوم العام الجديد 2011
» أبيات عن الصحبة والصداقة
» المعجم الوسيط
» كي لا ننسى التاريخ الهجري