حكوا عني فلاحة ولهجتي قـرويّة
بالهم رح أستحي من حتشيي وأهلي
بس هذول هبايل !
بفكروا إنو ضربة حاجب مع رفعة "واكس" بصيرو من الأفندية
بعرفوش محلا الكــعدة تحت الزتونة وبريــك الشاي مع المرمية
ولقاط التين مع سيدي قبل بحاشة الأرض بالفاس والطورية
أي هو أنا بنسى يا ستي لما كُـلتيلي :
هذه أرضنا مثل عرضنا ومين باع أرضو فرّط بعرظو
لكن ابشري يا حجة هذه الأرض بتظل أرضنا ما دامنا على درب الختيارية
الرئيسية
